Android 4.2.2 အထက် Samsung ဖုန်းများမြန်မာစာထည့်သွင်းနည်း (2)

Android ဗားရှင်း 4.2.2 အထက် Samsung ဖုန်းတွေမြန်မာစာထည့်သွင်းနည်းကို
ကျွန်တော်သိသလောက်ရေးသားပေးလိုက်ပါတယ်။
ပထမနည်းတုန်းက Root မလိုပါဘူး CWM လိုပါတယ်။
Root မလုပ်ပဲ CWM ပဲသွင်းချင်တဲ့သူတွေ ပထမနည်းကို ဒီမှာ သွားကြည့်ပါ။

ခုနည်းကတော့ Root ဖောက်ပြီး Root Expolorer သို့မဟုတ် ES File Expolorer သုံးပြီး System ဝင်ပြင်တဲ့နည်းပါ။
ကျန်တဲ့နည်းတွေကတော့ နောက်နေ့တွေမှာဆက်ရေးပေးသွားပါမယ်။
ပထမဦးဆုံးမိမိဖုန်းကို မြန်မာစာထည့်သွင်းချင်တယ်ဆိုရင်
ကိုယ့်ရဲ့ဖုန်းဟာ System Update ရ မရအရင်စမ်းကြည့်ပါ။
တကယ်လို့ Update ရခဲ့ရင်တော့ ခုနောက်ပိုင်းဖုန်းတော်တော်များများဟာ
System Update လုပ်လိုက်ရင် မြန်မာစာထပ်သွင်းစရာမလိုပဲ တရားဝင်ပါလာကြပါတယ်။
အဲ့ဒီတော့ဘာမှအလုပ်ရှုပ်စရာမလိုတော့ဘူးပေါ့နော်...
ကိုယ်ကြိုက်တဲ့ကီးဘုတ်ထည့်ပြီး သုံးရုံပဲလေ....
မရရင်တော့ CWM သို့မဟုတ် Root ဖောက်ပြီးထည့်ကြတာပေါ့....
နောက်ဆိုရင်တော့ ဘာဖုန်းဝယ်ဝယ်မြန်မာစာတရားဝင်ပါလာကြမှာပါ။
ခုလောလောဆယ်တော့ နည်းနည်းအပင်ပန်းခံလိုက်ကြပါဦး......

ဒီပို့စ်မှာတော့ ပထမဆုံးအနေနဲ့ မိမိရဲ့ Samsung ဖုန်းလေးဟာ 4.2.2 ဖြစ်နေရပါမယ်။
4.3 အထက်ဆိုရင်တော့ ပိုအဆင်ပြေပါတယ်။
ပြီးတော့ဖုန်းကို Root ဖောက်ထားရပါမယ်။
Root ဖောက်ဖို့ကတော့ မိမိဖုန်းရဲ့မော်ဒယ်၊ ဗားရှင်းအလိုက် Google မှာရှာပြီး ဖောက်ထားလိုက်ပါ။
ပြီးရင်တော့ အောက်ကအဆင့်တွေကို လုပ်ဆောင်နိုင်ပါပြီ။

Root Expolorer ကိုပေးထားတဲ့လင့်ကနေသွားဒေါင်းပါ။
ES File Expolorer ကိုလည်းသုံးနိုင်ပါတယ်။
ဒီပို့စ်မှာတော့ Root Expolorer သုံးတဲ့နည်းကိုပြောပြပေးသွားမှာပါ။

Root explorer ကိုဖွင့်လိုက်ပါ။
Root expolorer မှာ အောက်ကပုံလို R/W ဖြင့်နေရင် နှိပ်လိုက်ပါ။

  

 Root ခွင့်ပြုချက်တောင်းရင်ပေးလိုက်ပါ။

 R/O ပြောင်းသွားပါလိမ့်မယ်။

ဒါဆို OK ပါပြီ System ဝင်ပြင်လို့ရပါပြီ။
system ဆိုတဲ့ဖိုဒါကို ရှာလိုက်ပါ။
တွေ့ရင် csc ဆိုတဲ့ဖိုဒါထဲကို ဆက်ဝင်ပါ။
အထဲ​က others.xml ကိုရှာပြီးဖိလိုက်ပြီး open in Text Editor ကိုရွေးပေးလိုက်ပါ။
 <CscFeature_Framework_EnableThaiVietR
eshaping>TRUE</
<CscFeature_Framework_EnableThaiVietR
eshaping>
ဆိုတဲ့စာကြောင်းကိုရှာလိုက်ပါ။
တွေ့ရင် ThaiViet Reshaping ရှေ့မှာ TRUE ရေးထား​တာ​ကို FALSE လို့​ပြင်​ရေး​လိုက်​ပါ။

အောက်ပါပုံအတိုင်း.....

 

ပြီးရင် Back Key တစ်ချက်ခေါက်လိုက်ပါ။
မက်ဆေ့ချ်တက်လာရင် Yes သာနှိပ်ပေးလိုက်ပါ။
ကိုယ်ကိုင်တဲ့ Samsung ဖုန်းက Thai Region မဟုတ်​ရင်​ ThaiViet Reshaping စာ​ကြောင်းမ​ပါ⁠ပါ​ဘူး။
ကိစ္စမရှိပါဘူး.....
ပြန်ထွက်လိုက်ပါ

ပြီးရင်အဲ့ဖိုဒါကနေ Back Key နဲ့တစ်ချက်ထွက်ပြီး etc ဆိုတဲ့ဖိုဒါထဲကိုဆက်ဝင်ပါ။
fallback_fonts.xml နဲ့ fallback_fonts_sbrowser.xml ထဲကို
အောက်ပါကုဒ်တွေရှာလိုက်ပါ။

 <family>
   <fileset>
       <file>ZawgyiOne2008.ttf</file>
    </fileset>
 </family>

တွေ့ရင်ဖျက်လိုက်လို့လဲရပါတယ်။
အကုန်လုံးမဖျက်ပဲ ZawgyiOne2008.ttf ကိုသာ MyanmarPaOh.ttf သို့မဟုတ် အခြားမြန်မာဖောင့်တစ်ခုခုရဲ့နာမည်နဲ့ အစားထိုးလိုက်ပါ။
ပြီးရင်ပြန်သိမ်းပေးလိုက်ပါ။
fallback_fonts.xml နဲ့ fallback_fonts_sbrowser.xml နှစ်ခုစလုံးဝင်ပြင်လို့ပြီးရင်
အဲ့ဖိုဒါကနေ Back Key တစ်ချက်ခေါက်ပြီး ထွက်လိုက်ပါ။
ပြီးရင် fonts ဆိုတဲ့ဖိုဒါထဲကိုဝင်ပါ။
ပြီးရင် ZawgyiOne2008.ttf ကိုရှာပြီးဖျက်ထုတ်လိုက်ပါ။
ပြီးရင်အပေါ်က fallback_fonts.xml နဲ့ fallback_fonts_sbrowser.xml ထဲက
ZawgyiOne2008.ttf ကို MyanmarPaOh.ttf သို့မဟုတ် အခြားဖောင့်တစ်ခုခုရဲ့နာမည်နဲ့ အစားထိုးခဲ့ရင်
ထိုဖောင့်ကို ဒီ fonts ဖိုဒါထဲကို Copy ယူလာပြီးလာချပေးပါ။
ပြီးရင် ကိုချလိုက်တဲ့ဖောင့်ကို ဖိပြီး permissions ကိုရွေးလိုက်ပါ။
Enter Octal ဆိုတဲ့ခလုတ်ကိုနှိပ်ပြီး 0644 လိုရိုက်ထည့်ပြီး OK ပေးလိုက်ပါ။
ပြီးရင်ဖုန်းကို Restart သို့မဟုတ် ပိတ်ပြီးပြန်ဖွင့်ပေးလိုက်ပါ။
ဒီနည်းကတော့နည်းနည်းရှုပ်ရင်ရှုပ်ပါလိမ့်မယ် ဒါပေမယ့် Samsung 4.2.2 အထက်တွေကို ဒီနည်းအတိုင်း အားလုံးရနိုင်ပါတယ်။
ဖောင့်ချိန်းဂျားတွေနဲ့သွင်းရင်လည်း ဒီသဘောတရားအတိုင်းပဲ လုပ်ပေးသွားမှာပါ။
CWM နဲ့သွင်းရင်လည်း ဒီပုံစံပါပဲ...
ဒါပေမယ့်ဒီနည်းအတိုင်းသေချာလုပ်ရင် သင့်ဖုန်းမြန်မာစာရေးနိုင်ဖတ်နိုင်မှာ အသေချာပါပဲ....
တကယ့်လို့အရှုပ်မခံချင်ရင်တော့ Play Store ကနေ SNM Font Changer ကိုဒေါင်းပြီးသွင်းနိုင်ပါတယ်။
ပြီးတော့အပေါ်ကပေးခဲ့တဲ့ CWM နဲ့နည်းလင့်ကိုသွားပြီးတော့ ထိုနည်းအတိုင်းလုပ်ဆောင်နိုင်ပါတယ်။

စာရိုက်ဖို့အတွက် M3 Keyboard, MUA ဗေကီးဘုတ် သို့မဟုတ်
မိမိနှစ်သက်ရာ ကီးဘုတ်ကို Play Store ကနေဒေါင်းနိုင်ပါတယ်။
Play Store အဆင်မပြေသူများကတော့ M3 Keyboard ကို ဒီမှာ သွားယူလိုက်ပါ။
MUA ဗေကီးဘုတ်ကို ဒီမှာ သွားယူလိုက်ပါ။
ပြီးရင် Install လုပ်.....
   Setting ကိုဝင် Language & Input ကိုဆက်ဝင်ပြီး မိမိတို့ထည့်သွင်းထားတဲ့
   ကီးဘုတ်ရဲ့ဘေးနားက ကွက်လပ်လေးကို အမှန်ခြစ်တပ်...
   Default ကိုနှိပ်ပြီး ကိုယ်သုံးမယ့်ကီးဘုတ် ရွေးပေးလိုက်ပါ....
   ပြီးရင်တော့ စာရိုက်ကြည့်လိုက်ပါ။

နောက်ထပ်နည်းတွေ ဆက်လက်ရေးပေးသွားပါဦးမယ်...
     အားလုံးအဆင်ပြေပျော်ရွင်နိုင်ကြပါစေ....

★ Page ★

==========

ပအိုဝ်း IT လူငယ်များ

Page : http://facebook.com/paohityouth

★ Blog ★

==========

ပအိုဝ်း IT လူငယ်များ

http://www.paohityouth.blogspot.com

PaOh Dragon App

http://www.paohdragonapp.blogspot.com

★ Groups ★

============

Myanmar Unicode Area

https://www.facebook.com/groups/mmUnicode

Myanmar PaOh Unicode Area

https://www.facebook.com/groups/PaOhUnicode

ပအိုဝ်း IT လူငယ်များ

https://www.facebook.com/groups/khunhtetznaing

 အားလုံးအဆင်ပြေပျော်ရွင်နိုင်ကြပါစေ  

                                     ပအိုဝ်း ITလူငယ်များ